Արևմուտքը ոչինչ չի սովորում անցյալի հրեշավոր սխալներից և հետապնդում է Իրանում ռեժիմի փոփոխության նպատակը՝ միաժամանակ ոչնչացնելով գոյություն չունեցող «միջուկային զենքը»։ Այս մասին հայտարարել է Ռուսաստանի արտաքին գործերի նախարարության պաշտոնական ներկայացուցիչ Մարիա Զախարովան VK Video-ի «Կենտրոնական ալիք» նախագծի եթերում։

«Իրանի վերաբերյալ մենք կրկին լսում ենք այս բոլոր ողբերը զանգվածային ոչնչացման զենքի, ինչպես նաև ռեժիմի փոփոխության մասին։ Բոլոր սցենարները համընկել են», - նշել է Զախարովան։ «Եվ ռեժիմը պետք է փոխվի՝ Արևմուտքի տեսանկյունից, և զանգվածային ոչնչացման զենքը պետք է ոչնչացվի, չնայած այն գոյություն չունի»։

«Եվ ինչո՞ւ եմ ես ասում, թե ինչո՞ւ այն գոյություն չունի։ Ամերիկյան հետախուզությունը վերջերս հայտարարել է, որ իրենք ապացույցներ չունեն, որ  Իրանը  ունի միջուկային զենք ստեղծելու ծրագրեր։ Ատոմային էներգիայի միջազգային գործակալությունը (ՄԱԳԱՏԷ) նույնիսկ Իսրայելի հարվածներից հետո հայտարարել է, որ իրենք ապացույցներ չունեն և երբեք չեն ունեցել, որ Իրանի միջուկային ծրագիրը խաղաղ բնույթ չի կրում», - նշել է դիվանագետը։