Հակակոռուպցիոն կոմիտեի, Պետական եկամուտների կոմիտեի տրանսպորտային միջոցներին կապույտ առկայծող փարոսիկներով կահավորելու իրավասություն տրվեց։ Որոշումը կայացվեց այսօր կառավարության նիստում:

Ըստ հիմնավորման՝ ՀՀ հակակոռուպցիոն կոմիտեն օժտվել է քրեադատավարական և օպերատիվ-հետախուզական գործունեություն իրականացնելու լիազորություններով, իսկ  ՊԵԿ-ը նախկինում ներառված չի եղել այդ ցանկում։

Ցանկում ներառված չեն Անվտանգության խորհրդի անդամների և Վարչապետի աշխատակազմի ղեկավարի տրանսպորտային միջոցները:

Նշվում է, որ շտապ օգնության, հրդեհային, զինվորական, փրկարար ծառայությունների և իրավակարգի ու անվտանգության ապահովման մարմինների տրանսպորտային միջոցները համարվում են օպերատիվ ծառայությունների տրանսպորտային միջոցներ, իսկ բոլոր տեսակի օպերատիվ ծառայությունների տրանսպորտային միջոցների առկայծող փարոսիկները պետք է լինեն կապույտ:

Ցանկում առաջարկվում է լրացնել Անվտանգության խորհրդի անդամների և Վարչապետի աշխատակազմի ղեկավարի տրանսպորտային միջոցները՝ պայմանավորված նրանց բնականոն գործունեության ապահովման անհրաժեշտությամբ:

Հետևեք Hayastan.news-ի տելեգրամյան ալիքին՝ այստեղ