Ես հաճախ եմ լսում, որ իրավիճակն այնքան լարված է, ռեժիմն այնքան մոտ է փլուզմանը, որ անպայման ինչ-որ բան կպատահի, և ամեն ինչ կփոխվի։ Ես ուզում եմ կիսվել իմ փորձով ձեզ հետ։ Մենք երկու-երեք տարի է, ինչ պատրաստում ենք «Վարդերի հեղափոխությունը», - սոցիալական ցանցում գրում է Վրաստանի նախկին նախագահ Միխեիլ Սաակաշվիլին։

Նրա կարծիքով՝ գլխավորն այն է, որ Վրաստանի ընդդիմությունը չկրկնի բելառուսական ընդդիմության սխալները և չսահմանափակվի պասիվ բողոքի ակցիաներով և կիսաքայլերով։

«Ես հաճախ եմ լսում, որ իրավիճակն այնքան լարված է, որ ռեժիմն այնքան մոտ է փլուզմանը, որ ինչ-որ բան անպայման կպատահի, և ամեն ինչ կփոխվի։ Ես ուզում եմ կիսվել իմ փորձով ձեզ հետ։ Մենք 2-3 տարի է, ինչ պատրաստում ենք «Վարդերի հեղափոխությունը»։ Ես այցելել եմ Սերբիա, որտեղ հանդիպել և ժամեր անցկացրել եմ Միլոշևիչի դեմ հաջողությամբ պայքարող «Օտպոր» կազմակերպության ղեկավարների հետ, և մի քանի անգամ այցելել եմ Կիև՝ «Ուկրաինան առանց Կուչմայի» բողոքի ալիքի ակտիվիստների հետ զրուցելու համար։ «Վարդերի հեղափոխության» մարտավարությունը հիմնված էր իշխանությունների գործողությունների ճշգրիտ կանխատեսման և մեր համարժեք արձագանքի պլանավորման վրա։ Ավելին, մեր գործնական քայլերի վրա, որոնք ստիպեցին Շևարդնաձեին սխալներ թույլ տալ։ Այժմ Իվանիշվիլին շատ կանխատեսելի է, բայց, կարծես, շատերը ամեն անգամ զարմացած են ռեժիմի գործողություններից։ Այնուամենայնիվ, բավական է նայել նույն Բելառուսին՝ հասկանալու համար, թե ինչպիսին կլինեն ռուսական ռեժիմի հետագա գործողությունները այստեղ։ Գլխավորը չկրկնել բելառուսական ընդդիմության սխալները և չսահմանափակվել պասիվ բողոքներով և կիսաքայլերով։ Չնայած, իհարկե, մեր երիտասարդությունն ու լրագրողները օրինակներ են ցույց տալիս իրական հերոսության։ Միայն հստակ համակարգված մարտավարությունը մեզ կբերի վերջնական հաղթանակի։ Իհարկե, «սև կարապներ» անպայման կհայտնվեն, բայց մենք չենք կարող սպասել դրանց։ Այս ընթացքում մենք կարող ենք կորցնել Վրաստանը», - գրում է Միխեիլ Սաակաշվիլին։