Մոսկվայի և Բաքվի հարաբերություններն ամուր հիմք ունեն, բայց այժմ բարդ շրջան են ապրում, հայտարարել է Կրեմլի ներկայացուցիչը: Դմիտրի Պեսկովը հույս է հայտնել, որ այդ շրջանը կանցնի: Ըստ խոսնակի՝ Ռուսաստանում հետապնդման են ենթարկվում միայն ադրբեջանական սփյուռքի այն ներկայացուցիչները, որոնք խախտում են օրենքը: Նա շեշտել է՝ օրինապահ ադրբեջանցիները հարգանք են վայելում Ռուսաստանում, և Մոսկվան կարևոր է համարում, որ Ադրբեջանում էլ հարգեն ռուսներին:
Պեսկովն անդրադարձել է նաև այն հրապարակումներին, որ Բաքուն փաստաթղթեր է պատրաստում միջազգային դատական ատյաններ ներկայացնելու համար՝ Ակտաուի մերձակայքում AZAL-ի ինքնաթիռի կործանման կապակցությամբ:
«Ընթանում է հետաքննություն: Եթե Ադրբեջանը նման որոշում կայացնի, դա Ադրբեջանի իրավունքն է, մենք կսպասենք պաշտոնական վճիռներին», - ասել է Կրեմլի ներկայացուցիչը:
-thumbnail.jpg)
-thumbnail.jpg)
