Այսօր Թուրքիայում կայացավ Ռեջեփ Թայիփ Էրդողանի երդմնակալության արարողությունը, որից հետո վերջինս ներկայացրեց Կառավարության նոր կազմը։ Ըստ այդմ՝ Մևլութ Չավուշօղլուն այլևս Թուրքիայի ԱԳ նախարարը չէ, այդ պաշտոնում նշանակվել է Հաքան Ֆիդանը։

 

Ո՞վ է Հաքան Ֆիդանը

 

 

2010 թվականի մայիսի 27-ից մինչև 2015 թվականի փետրվարի 7-ը Ֆիդանը եղել է Թուրքիայի անվտանգության ծառայության ղեկավարը և այդ պաշտոնից հրաժարական է տվել` Թուրքիայի խորհրդարանական ընտրություններին մասնակցելու համար՝ «Արդարություն և զարգացում» կուսակցությունից:

 

 

Էրդողանը 2015 թվականի փետրվարի 8-ին պատասխանելով լրագրողների՝ Ֆիդանի հրաժարականի վերաբերյալ հարցին, նշել էր , որ ինքը սխալ է համարում պատգամավորության թեկնածություն առաջադրվելու համար նման լուրջ և երկրի անվտանգության համար կարևոր կազմակերպության նախագահի հրաժարականի ներկայացումը:

 

 

2015 թվականի մարտի 9-ին նա հայտարարել վ, որ չի մասնակցում խորհրդարանական ընտրություններին և վերադարձել է Թուրքիայի անվտանգության ծառայության ղեկավարի պաշտոնին։

 

 

2009 թվականին Հաքան Ֆիդանը Օսլոյում մասնակցել է Քրդստանի աշխատավորական կուսակցության (PKK) հետ գաղտնի խաղաղ բանակցություններին, ինչպես նաև զրուցել է Աբդուլլահ Օջալանի (Քրդական աշխատավորական կուսակցության (PKK) ցմահ դատապարտված առաջնորդ) հետ։

 

2023 թվականի հունիսի 3-ին նշանակվել է Թուրքիայի արտաքին գործերի նախարար։

 

Նշենք, որ Թուրքիայի ԱԳ արդեն նախկին նախարար Մևլութ Չավուշօղլուն այդ պաշտոնը զբաղեցնում էր 2014 թվականից։