Հենրիխ Մխիթարյանը վստահեցնում է, որ բավականաչափ մարզավիճակում կլինի «Ինտերի» մեկնարկային կազմում Չեմպիոնների լիգայի եզրափակչում՝ «Մանչեսթեր Սիթիի» դեմ խաղում: «Երկու թիմերն էլ շատ ուժեղ կիսապաշտպաններ ունեն»,- ասել է Մխիթարյանը, որի խոսքերը մեջբերում է football-italia.net-ը։

Ֆուտբոլիստը խաղադաշտից դուրս է մնացել մայիսի 16-ին Չեմպիոնների լիգայի կիսաեզրափակչին «Միլանի» հետ պատասխան խաղում ազդրի վնասվածք ստանալուց հետո:

«Ես ինձ լավ եմ զգում և կանեմ ամեն ինչ այս խաղը խաղալու համար: Դեռ ժամանակ կա, և ես հույս ունեմ, որ կօգնեմ թիմին։ Ես ցանկանում եմ հաղթել, քանի որ դա Չեմպիոնների լիգան է, և դա ամեն օր չի լինում: Մոտենում եմ կարիերայիս ավարտին, բայց ամեն ինչ կանեմ, որպեսզի այն հնարավորինս երկարաձգեմ։ «Մանչեսթեր Սիթին» ունի Եվրոպայում ամենաուժեղ ընդհանուր կազմը և ուժեղ կիսապաշտպանություն, բայց մերը նույնպես շատ ուժեղ է: Մենք կարող ենք ցույց տալ, որ լավ ենք խաղում մեր ոտքերի տակ գտնվող գնդակով և կարող ենք հարձակվել »,- ասել է Մխիթարյանը լրագրողների հետ զրույցում: