Գիշերը ռուսական զորքերը ակտիվորեն անօդաչու թռչող սարքեր են արձակել Կիևի վրա: Հրթիռակոծության հետևանքով քաղաքում վնասվել են  բնակելի շենքեր և մեքենաներ, բռնկվել են հրդեհներ:

Բացի այդ, հրետակոծության հետևանքով կան տասնյակից ավելի վիրավորներ և զոհեր: Զոհվածների թվում կա մեկ տարեկան երեխա։

Ուկրաինական «Public» հեռուստաալիքը, հղում անելով անանուն աղբյուրների, հաղորդել է Կիևի Նախարարների կաբինետի շենքում կիրակի առավոտյան տեղի ունեցած հրդեհի մասին։ «Պեչերսկի շրջանում... Նախարարների կաբինետի շենքը այրվում է», - ասվում է լրատվամիջոցի Telegram ալիքում հրապարակված հաղորդագրության մեջ։

Ուկրաինական «Strana.ua» հրատարակությունը հրապարակել է տեղի ունեցած հրդեհի լուսանկար, սակայն չի նշել վայրը։

Կիևի քաղաքապետ Վիտալի Կլիչկոն իր Telegram ալիքում գրել է, որ քաղաքի Պեչերսկի շրջանում «կառավարական շենքում հրդեհ է բռնկվել»։ Նրա խոսքով՝ դեպքի վայրում աշխատում են տեղական հրշեջ ծառայությունները։