Մեծ Բրիտանիայի թագավորն ու թագուհին Վինձորի պալատում ողջունել են ԱՄՆ նախագահ Դոնալդ Թրամփին և առաջին տիկին Մելանյա Թրամփին, որոնք Միացյալ Թագավորությունում են գտնվում աննախադեպ երկրորդ պետական այցով։ «Արմենպրես»-ի փոխանցմամբ՝ այս մասին հաղորդում է BBC-ն։ 

ԱՄՆ նախագահը տիկնոջ հետ Լոնդոնից Վինձորի ամրոց էին մեկնել ուղղաթիռով, որից իջնելուց հետո նրանց դիմավորել են Ուելսի արքայազնը և արքայադուստրը։ 

Այնուհետև Թրամփներին ողջունել է արքայական զույգը։ Չարլզ 3-րդ թագավորը և Դոնալդ Թրամփը, ինչպես նաև թագուհի Քամիլան և Մելանյա Թրամփը կառքերով անցել են կալվածքով, որից հետո Մեծ Բրիտանիայի թագավորն ու ԱՄՆ նախագահը պատվո պահակախմբի զորատես են անցկացրել։ 

Այնուհետև ինքնաթիռների արարողական թռիչքին կհաջորդի պետական ճաշկերույթ։