ԱՄՆ նախագահ Դոնալդ Թրամփը շարունակում է ջանքեր գործադրել ուկրաինական ճգնաժամը կարգավորելու համար, և նրա հուզական մոտեցումը իրավիճակին հասկանալի է։ Այսպես է մեկնաբանել Ռուսաստանի նախագահի մամուլի քարտուղար Դմիտրի Պեսկովը՝ պատասխանելով ՏԱՍՍ-ի հարցին, Թրամփի այն հայտարարությունը, որ Վլադիմիր Պուտինը, իբր, «հիասթափեցրել է իրեն» ուկրաինական կարգավորման համատեքստում։

«Մենք ենթադրում ենք, որ Միացյալ Նահանգները և անձամբ նախագահ Թրամփը պահպանում են իրենց քաղաքական կամքն ու մտադրությունը՝ շարունակելու ուկրաինական կարգավորմանը նպաստելու ջանքերը։ Հետևաբար, իհարկե, նախագահ Թրամփը բավականին հուզական է, այսպես ասած, այս հարցի վերաբերյալ։ Սա լիովին հասկանալի է», - ասել է Պեսկովը՝ պատասխանելով Թրամփի հայտարարություններին Պուտինի արձագանքի մասին հարցին։