Այս տարի նշանավորվեց Կամբոջայի և Թաիլանդի միջև հրադադարի և Հայաստանի ու Ադրբեջանի միջև համաձայնագրի կնքմամբ:

Այս մասին հայտարարել է ՄԱԿ-ի գլխավոր քարտուղար Անտոնիո Գուտերեշը՝ կազմակերպության Գլխավոր վեհաժողովի 80-րդ նստաշրջանի բացման ժամանակ:

«Մենք պետք է ընտրենք միջազգային իրավունքի վրա հիմնված խաղաղություն։ Այս տարին նշանավորվեց Կամբոջայի և Թաիլանդի միջև հրադադարի և Հայաստանի ու Ադրբեջանի միջև համաձայնագրի կնքմամբ, որը միջնորդվել էր Միացյալ Նահանգների կողմից։

Սակայն չափազանց շատ ճգնաժամեր մնում են անվերահսկելի։ Անպատժելիությունը տիրում է, իսկ անօրինակությունը զուգահեռաբար մնում տարածված», - ընդգծել է ՄԱԿ-ի գլխավոր քարտուղարը։