Սանկտ Պետերբուրգում Հայաստանի հյուպատոսարանի շենքում մահացած հայտնաբերված Բորիս Ավագյանի դեպքով ՀՀ քննչական կոմիտեի կողմից նախաձեռնվել է քրեական վարույթ, @ArmeniaSputnik–ին հայտնեցին ՀՀ քննչական կոմիտեից։

Հիշեցնենք՝ Սանկտ Պետերբուրգում ՀՀ գլխավոր հյուպատոսությունում մահացած էին գտել Բորիս Ավագյանին։

Արցախի նախկին պաշտոնյա Բորիս Ավագյանը, որը նախօրեին փախել էր դատարանի դահլիճից, որտեղ նրա նկատմամբ պետք է խափանման միջոց ընտրվեր ավելի քան 4,2 մլրդ ռուբլի մաքսատուրքերի վճարումից խուսափելու գործով, մահացել էր հյուպատոսության շենքում։