Բահրեյնի մայրաքաղաք Մանաման կհյուրընկալի  2024թ.  ծանրամարտի աշխարհի առաջնությունը: Քվեարկությունը տեղի է ունեցել Կուբայի մայրաքաղաք Հավանայում անցկացված ծանրամարտի միջազգային ֆեդերացիայի գործկոմի նիստում: Այս մասին հաղորդում է ՀԱՕԿ-ը:

«Մերձավոր Արևելքի հայտը ստացել է ավելի մեծ աջակցություն, քան  մյուս երկու թեկնածուները՝ Երևանը և Տիրանան:  Սա կլինի ծանրամարտի ամենակարևոր մրցումը, որը երբևէ անցկացվել է Բահրեյնում, որը հաջողությամբ ընդունել է 2022թ.Ասիայի առաջնությունը: 

2024թ. աշխարհի առաջնությունը նշանակված է նոյեմբեր-դեկտեմբեր ամիսներին՝ Փարիզի օլիմպիական խաղերի  ավարտից մի քանի ամիս հետո»,- ասված է ՀԱՕԿ հաղորդագրության մեջ:

Հիշեցնենք, որ ապրիլին Երևանում Եվրոպայի առաջնության բացման արարողության ժամանակ դիզայներ Արամ Նիկոլյանը հրապարակավ հրկիզել էր Ադրբեջանի դրոշը։