Հայաստանում ամառային ճամփորդությունների սեզոնի բացմամբ պայմանավորված՝ Երևանում ԱՄՆ դեսպանատունը հիշեցնում է, որ Հայաստանի և Ադրբեջանի միջև շարունակվող հակամարտության պատճառով ԱՄՆ քաղաքացիներին, դեսպանատան աշխատակիցներին և նրանց ընտանիքներին արգելվում է որևէ ոչ էական ճանապարհորդություն կատարել հետևյալ վայրեր.

• Տավուշի մարզ Վարագավանից արևելք,
• Տավուշի մարզ Նավուրից արևելք,
• Գեղարքունիքի մարզ Վարդենիսից արևելք,
• Արարատի մարզի Երասխ գյուղով երթևեկությունը թույլատրվում է, կանգառը՝ ոչ,
• Ճանապարհորդել թույլատրվում է դեպի Ջերմուկ Վայոց ձորի մարզի Գետիկի կողքով՝ H42 և H43 ճանապարհներով,
• Սյունիքի մարզ.
• Լեռնային Ղարաբաղ մեկնելը շարունակում է արգելվել։

ԱՄՆ կառավարությունը չի կարող շտապ ծառայություններ տրամադրել ԱՄՆ քաղաքացիներին Լեռնային Ղարաբաղում և նրա շրջակայքում, քանի որ մուտքը սահմանափակ է։