Պակիստանը մի երկիր է, որը դիվանագիտական հարաբերություններ չի հաստատում Հայաստանի հետ, սա եղբայրական երկրի դիրքորոշում է։ Այս մասին հայտարարել է Ադրբեջանի նախագահ Իլհամ Ալիևը Պակիստանի վարչապետ Մուհամմադ Շահբազ Շարիֆի հետ համատեղ մամուլի ասուլիսի ժամանակ:
Ալիևը նշել է, որ Պակիստանի վարչապետին տեղեկացրել է Ադրբեջանի և Հայաստանի միջև խաղաղ համաձայնագրի շուրջ ընթացող բանակցությունների մասին
«Համաձայնագրի ստորագրման հեռանկարներ կան։ Պարզապես Հայաստանը պետք է քաղաքական կամք դրսևորի և թղթի վրա գրի այն, ինչ իրենք արդեն պաշտոնապես հայտարարել են, որ Ղարաբաղը Ադրբեջան է»,- ասել է Ալիևը:
Նշենք, որ ավելի վաղ Պակիստանի վարչապետը հայտարարել էր, որ եթ Հայաստանի և Ադրբեջանի միջև ստորագրվի խաղաղության համաձայնագիրը, Պակիստանը կդիտարկի Հայաստանի հետ դիվանագիտական հարաբերություններ հաստատելու հարցը: