ՀՀ պաշտպանության նախկին նախարար Միքայել Հարությունյանի նկատմամբ կրկին հետախուզում է հայտարարվել, Հանրայինի եթերում այս մասին ասել է ՀՀ քննչական կոմիտեի զինվորական քննչական գլխավոր վարչության պետի տեղակալ Կամո Սահակյանը։

Ըստ մեղադրանքի՝ պաշտոնավարման շրջանում նա բնակարան է հատկացրել ԵԿՄ–ի այն ժամանակվա նախագահ Մանվել Գրիգորյանի եղբորորդուն՝ 3-րդ բանակային կորպուսի հրամանատարի տեղակալին, չնայած նրան, որ մինչև այդ նա արդեն 10 միլիոն դրամ էր ստացել բնակարանի համար։ Այս գործով որպես մեղադրյալ է ներգրավվել նաև ԳՇ պետի նախկին տեղակալ Էնրիկո Ապրիամովը։