Վարչապետ Նիկոլ Փաշինյանը որոշել է հաջորդ կիրակի Վայոց ձորի Խաչիկ գյուղի Սուրբ Աստվածածին եկեղեցում մասնակցել պատարագի։

Պատարագը մատուցելու է Տեր Հովհաննես քահանա Մաթևոսյանը։

Aysor.am-ը Տեր Հովհաննեսից հետաքրքրվեց՝ ի՞նքն է վարչապետին հրավիրել պատարագի, թե՞ Փաշինյանն անձամբ է որոշել Վայոց ձոր գնալ։

«Ես կարծում եմ, որ վարչապետն ինքն է որոշել, Facebook-ից արդեն տեղյակ եք»,- պատասխանեց Տեր Հովհաննեսը։

Երբ հետաքրքրվեցինք՝ կիսո՞մ է Նիկոլ Փաշինյանի հայացքները եկեղեցու վերաբերյալ՝ Տեր Հայրն ասաց, թե արարողության է, խանգարում ենք իրեն։

Հիշեցնենք՝ երեկ Նիկոլ Փաշինյանը Թալինում էր մասնակցում պատարագի, որը մատուցում էր Տեր Թադեն։ Պատարագին մասնակից էր նաև կարգալույծ Վարդան Հունանյանը։