Արմավիրի մարզի Շենավան գյուղում սպանված 40-ամյա տղամարդը կենցաղային հարցերի շուրջ ծագած վիճաբանության ժամանակ խոհանոցային դանակով հարվածներ է հասցրել 15-ամյա որդուն և 66-ամյա մորը։ Տեղեկությունը հայտնում է ՀՀ ներքին գործերի նախարարության մամուլի ծառայությունը։

 

Նշենք, որ դեպքը տեղի էր ունեցել հունիսի 15-ի ժամը 18։10-ի սահմաններում։

 

«Տղամարդը ոտքերով և ձեռքերով էլ խփել է 36-ամյա կնոջը։ Ստացվում է, որ նրանց պատճառվել է տարբեր աստիճանի մարմնական վնասվածքներ։ Ստեղծված իրավիճակից հետո 36-ամյա կինը երկաթե օդամղիչ սարքով խփել է ամուսնու գլխին, որը ստացած մարմնական վնասվածքից մահացել է»,– ասված է հաղորդագրությունում: