Հնարավո՞ր է խուսափել տեղեկատվության արտահոսքից՝ նոր զենքերը ՀՀ քաղաքացիներին ցուցադրելիս։

Փաշինյանի գրասենյակը @ArmeniaSputnik-ի հարցմանն ի պատասխան ասել է, թե ինչպես են ապահովելու գաղտնիությունը: Եթե տեղեկատվությունը պարունակում է պետական գաղտնիք, ապա հարցը «կկարգավորվի «Պետական գաղտնիքի մասին» օրենքով նախատեսված կարգավորումների շրջանակում` հաշվի առնելով պետական գաղտնիք պարունակող տեղեկությունների պահպանությանն ուղղված համալիր միջոցառումները: 

Եթե տեղեկատվությունը չի պարունակում պետական գաղտնիք, բայց հրապարակման ենթական չէ, կձեռնարկվեն «այլ միջոցառումներ», այդ թվում՝ տեսանկարահանման և բջջային հեռախոսների օգտագործման արգելք:

«Քաղաքացիների ընտրության հարցում սահմանափակումներ չկան. յուրաքանչյուրը կարող է այցելել ռազմական օբյեկտներ համապատասխան ձևով՝ անկախ իր քաղաքական հայացքներից»,- հավելել է կառավարությունը: