Իրանի նախագահ Մասուդ Փեզեշքիանը կրկին հայտարարել է երկրի մայրաքաղաքը Թեհրանից այլ վայր տեղափոխելու անհրաժեշտության մասին: «Արմենպրես»-ի փոխանցմամբ՝ այս մասին հաղորդել է Fars գործակալությունը:
Ըստ գործակալության տեղեկատվության՝ նախագահի որոշման պատճառ է դարձել քաղաքի գերբնակեցումը և այնտեղ ջրի պակասը: Փեզեշքիանն ընդգծել է, որ եթե մեգապոլիսի բնակչությունը շարունակի աճել, ապա ջրի պաշարները բավարար չեն լինի բոլոր բնակիչներին ապահովելու համար:
«Մենք ընտրություն չունենք: Դա անհրաժեշտություն է», - հայտարարել է նախագահը:
Փեզեշքիանը հավելել է, որ այդ խնդիրը վերաբերում է ոչ միայն Թեհրանին, այլև Իրանի որոշ այլ տարածաշրջանների:
Ավելի վաղ ծովային պաշարների կառավարման հարցերով Իրանի նախագահի ներկայացուցիչ Ալի Աբդոլալիզադեն հայտարարել էր, որ երկրի մայրաքաղաքը Թեհրանից այլ վայր տեղափոխելու հարցը հանվել է օրակարգից, քաղաքում ջրի պակասի խնդիրը լուծելու համար մշակվել է Պարսից ծոցից ջրի մղման նախագիծ:
-thumbnail.jpg)
-thumbnail.jpg)
