Եթե վարչապետի կողմից Մայր աթոռում դրածո լինի, սփյուռքի թեմերը չեն ենթարկվի, Հայաստանի քահանաների մեծ մասը նույնպես չի ենթարկվի նրա որոշումներին, այն թվում` ես, լրագրողների հետ զրույցում ասաց Բյուրականի Սուրբ Հովհաննես եկեղեցու հոգևոր հովիվ տեր Վրթանես քահանա Բաղալյանը։

«Վեհափառ հայրապետը Արցախի թեմը չի լուծարել, և սա էլ իշխանությունների համար խնդիր է։ Եվ այսօր տեսնում ենք, որ Արցախի թեմի առաջնորդը, որը չգիտենք` ուր էր վերջին պատերազմի ժամանակ, վարչապետի հետ հանդիպման էր, որը կոռեկտ չէ»,–ասաց տեր Վրթանեսը։

Նա Միքայել, Բագրատ և Մկրտիչ սրբազանների կալանավորումը պատահական չհամարեց, քանի որ իրենք մեր եկեղեցու նվիրյալներն են, ամուր պատվար էին իշխանությունների հակաեկեղեցական գործողություններին։ Իսկ այս հակաեկեղեցական շարժման նպատակը ոչ թե եկեղեցին բարեփոխելն է, այլ պառակտելը։