«Առաջարկ Հայաստանին» նախագծի շրջանակներում հայտարարված երիտասարդական մրցույթի ամփոփման գործընթացը մոտենում է եզրագծին։

Այս մասին հայտնում է մրցույթի հանձնախմբի անդամ, Գագիկ Ծառուկյանի մամուլի խոսնակ Իվետա Տոնոյանը.

«Ինչպես քիչ առաջ արված հայտարարության մեջ ընդգծել է մրցույթի գաղափարի հեղինակ Գագիկ Ծառուկյանը, վերջնարդյունքը 100 տոկոս լինելու է արդար, անաչառ ու օբյեկտիվ։
 

Մրցութային հանձնախումբն օրեր շարունակ մանրակրկիտ ուսումնասիրել է բոլոր հայտերը և ընտրել լավագույնները։ Դեկտեմբերի 11-ին տեղի կունենա մրցանակաբաշխության հանդիսավոր արարողությունը, որի ընթացքում լավագույն գաղափարների հեղինակները կպարգևատրվեն։

Ի՞նչ կարող եմ ասել որպես եզրափակում. հիացած եմ մեր երիտասարդների տաղանդով, նախաձեռնողականությամբ և ստեղծարար մտքերով։ Վստահ եմ՝ միասին դեռ երկար ու արդյունավետ ճանապարհ ենք անցնելու։ 

Հ․Գ․
Լավագույն աշխատանքները կներառվեն «Առաջարկ Հայաստանին» ծրագրում՝ որպես ոգեշնչման օրինակ և ապագա նորարարական գաղափարների մոդել»։

Անձամբ եմ ուսումնասիրում ստացված հայտերն ու անկեղծորեն տպավորված եմ մեր երկրի ապագան կերտող երիտասարդների գաղափարներով․ Գագիկ Ծառուկյան