Ղազախստանի Կոնաև քաղաքում գտնվող Makao Luxury Village Resort-ը, որտեղ պետք է կայանար Գրիգորի Լեպսի համերգը, որոշել է չեղարկել համերգի կազմակերպիչների հետ պայմանավորվածությունները, հաղորդում է այս երկրի հանգստյան համալիրի մամուլի ծառայությունը։

Ավելի վաղ ղազախական լրատվամիջոցներում տեղեկություն էր հայտնվել, որ Լեպսի համերգը համալիրում պետք է կայանար հուլիսի 8-ին։ Որոշ տեղեկություններ են տարածվել, որ ակտիվիստները պահանջել են չեղարկել Լեպսի համերգը Ուկրաինայի շուրջ հակամարտության վերաբերյալ նրա դիրքորոշման պատճառով։

Համալիրի մամուլի ծառայությունից տեղեկացնում են, որ տոմսերի վերադարձն իրականացվում է գնման վայրում։