Ուկրաինայի զինված ուժերը շարունակում են իրենց հակահարձակման առաջին փուլը. Խոսքը, մասնավորապես, ռուսական օկուպացիոն ուժերի պաշտպանական դիրքերում թույլ կողմեր հայտնաբերելու նպատակով հետախուզություն իրականացնելու մասին է։ Համապատասխան հայտարարությամբ է հանդես եկել Էստոնիայի պաշտպանության ուժերի հետախուզական կենտրոնի ղեկավար, գնդապետ Մարգո Գրոսբերգը, հայտնում է TCH-ն։

«Ակնհայտ է, որ նախաձեռնությունն այժմ գտնվում է Ուկրաինայի Զինված ուժերի ձեռքում, ինչը նշանակում է, որ նրանք ընտրում են ժամանակը, տեղը և միջոցները, որոնցով հարձակվելու են հակառակորդի ստորաբաժանումների վրա»,- ասվում է հաղորդագրության մեջ։

Նշվում է, որ Ուկրաինան չի շտապում հակահարձակման դիմել։

«Ավելորդ ռիսկի չդիմելու համար ուկրաինացիներն ավելի զգույշ և անաղմուկ են մոտենում իրենց գործունեությանը։ Առաջիկա յոթ օրում Ուկրաինայի կողմից հակահարձակողական գործողություն չենք տեսնի»,- եզրափակել է նա։