Ատելության խոսքի դեպքեր, այդ թվում՝ բռնության կոչեր, երբեմն տեղի են ունենում Հայաստանի քաղաքական և հասարակական հարթակներում: Այս մասին ասված է Ընդդեմ ռասիզմի և անհանդուրժողականության Եվրոպական հանձնաժողովի հերթական զեկույցում:
«Ըստ անկախ դիտորդների՝ նման միջադեպերը հիմնականում կապված են քաղաքական գործիչների, հասարակական կազմակերպությունների ներկայացուցիչների կամ լրագրողների հետ։
«Հայկական ինքնության» հիշատակումը շատ հաճախ չարաշահվում է ԼԳԲՏ համայնքների և, որոշ չափով, կրոնական և այլ փոքրամասնությունների նկատմամբ խոսքում և գործողություններում անհանդուրժողականություն բորբոքելու համար:
Նույնը վերաբերում է «ադրբեջանցիներ» և «թուրքեր» եզրույթներին, դրանք օգտագործվում են որպես քաղաքական հակառակորդների դեմ գործիքներ՝ սրելու ներքին տարաձայնությունները և խոչընդոտել ցանկացած խաղաղ բանակցություն»,- ասված է զեկույցում:
Հանձնաժողովը նշել է, որ որոշ դիտորդներ արձանագրել են, որ հակաադրբեջանական/հակաթուրքական հռետորաբանությունն աճում է նաև քաղաքական ոլորտում:
«Այս համատեքստում ՌԱԵՀ-ն անդրադառնում է Եվրոպայում առճակատումների և չլուծված հակամարտությունների հետ կապված ծայրահեղ ազգայնական և ռասիստական ատելության խոսքի և բռնության կանխարգելման և դրա դեմ պայքարի մասին իր հայտարարությանը և պարունակվող առաջարկություններին, ինչպես նաև Եվրոպայի խորհրդի մարդու հարցերով հանձնակատարի համապատասխան առաջարկություններին»,- ասվում է զեկույցում:
Զեկույցն ամբողջությամբ՝ այստեղ: