Փարիզում հզոր պայթյուն է տեղի ունեցել, ինչին հաջորդել է շենքի ամբողջական փլուզումը։

 Այս մասին հայտնում է Liberation հրատարակությունը։ Վերջին տվյալներով՝ Ֆրանսիայի մայրաքաղաքի Հինգերորդ շրջանում տեղի ունեցած արտակարգ դեպքի հետևանքով երկու մարդ անհետ կորել է։ Տուժածներից 4-ի վիճակը ծանր է, ևս 20-ի վիճակը միջին ծանրության է։ Պայթյունը հնչել է հունիսի 21-ի կեսօրին Սեն-Ժակ փողոցում գտնվող Փարիզի ամերիկյան նորաձևության և դիզայնի մասնավոր դպրոցի շենքում։ Պայթյունից հետո շենքում ուժեղ հրդեհ է սկսվել՝ տարածվելով հարակից տների վրա։ Պայթյունից առաջ ականատեսները գազի ուժեղ հոտ են զգացել։