Իրանի դեսպանատան մոտ Իրանի իշխանություների դեմ անցկացվող հավաքի 7 մասնակից բերման է ենթարկվել, երթը արտոնված չի եղել․ Sputnik Արմենիան տեղեկացել է ՀՀ ՆԳՆ-ից։

«Երթն արտոնված չէ, այդ իսկ պատճառով արգելվել է երթի իրականացումը, ինչպես նաև հավաքի ընթացքում 7 անձ «Վարչական իրավախախտումների վերաբերյալ» օրենսգրքի 182-րդ հոդվածով (Ոստիկանության ծառայողի օրինական պահանջը չկատարելը) նախատեսված արարք կատարելու համար ենթարկվել են վարչական ձերբակալման»,- @ArmeniaSputnik-ին հայտնել են Ոստիկանությունից, նշել նաև, որ ՆԳՆ ոստիկանությունը շարունակելու է իրականացնել օրենքով իրեն վերապահված լիազորությունները՝ ապահովելով հասարակական կարգը։