2026 թվականին մենք կարևոր որոշում ենք ընդունել՝ ինչպիսին պետք է լինի  ատոմակայանի տիպը, լրագրողների հետ զրույցում ասաց ՏԿԵ նախարար Դավիթ Խուդաթյանը։

Նա նշեց, որ շարունակել են ուսումնասիրություններն այդ առումով և՛ ՌԴ-ի, և՛ ԱՄՆ-ի, և՛ Չինաստանի մասով, սակայն մոդելի հետ կապված վերջնական որոշում չունեն։

«Կարծում եմ՝ մոդուլի ընտրության հարցը կիրականացվի 2026 կամ 2027 թվականի ընթացքում։ Շտապելու անհրաժեշտություն չունենք։ Կապված մոդելի ընտրությունից՝ կորոշվի, թե որ երկրի հետ ենք իրականացնելու աշխատանքները»,-ասաց նա։