«Բոլորն էլ վերադառնալու են․ էսօր չէ, վաղը չէ․․․ բոլորն էլ վերադառնալու են»․ ասաց Ալեն Սիմոնյանը՝ Բաքվում հայ գերիների ազատ արձակման մասին։

«Ինչպես ժամանակին 200-ի հասնող մարդիկ կային, ու էլի մարդիկ կային, որ չվերադարձողների ցուցակում էին, բայց աշխատանքի շնորհիվ մենք կարողացանք հասնել։ Էդ աշխատանքը չի դադարելու մինչև վերջին հայը չվերադառնա Հայաստան»,- լրագրողներին ասաց Ազգային ժողովի նախագահը։

Ալեն Սիմոնյանը, սակայն, չմեկնաբանեց Ալիևի հայտարարությունները, երբ նա կրկին մեղադրեց Ղարաբաղի ղեկավարներին պատերազմական հանցագործությունների մեջ և գործնականում բացառեց նրանց ազատ արձակումը։ Սիմոնյանը նշեց, որ Ադրբեջանի հետ բանակցային գործընթացը հնարավորություն է տալիս առաջ շարժվել դեպի խաղաղություն։