ՌԴ ՊՆ-ն դիմել է «Վագներ» խմբավորման մարտիկներին՝ նշելով, որ նրանք խաբեության են մատնված Եվգենի Պրիգոժինի «հանցավոր արկածախնդրության և զինված ապստամբության մասնակցության մեջ»:
ՌԴ պաշտպանության գերատեսչությունը հորդորել է հրաժարվել զինված ապստամբությանը մասնակցելուց։
«Մենք դիմում ենք «Վագներ» խմբավորման մարտիկներին. Ձեզ խաբել են Պրիգոժինի հանցավոր արկածախնդրության և զինված ապստամբության մասնակցության մեջ։ Որոշ ջոկատների ձեր ընկերներից շատերն արդեն հասկացել են իրենց սխալը՝ խնդրելով օգնություն: Խնդրում ենք խոհեմություն դրսևորել և կապ հաստատել ՌԴ ՊՆ կամ իրավապահ մարմինների հետ: Մենք երաշխավորում ենք բոլորի անվտանգությունը»,- ասված է ՊՆ հաղորդագրության մեջ: