Հոգևորականների ծառայության սահմանափակումը բանակում լավ բանի չի բերի: Այս մասին լրագրողների հետ զրույցում ասաց ՀՀ պաշտպանության նախկին նախարար Դավիթ Տոնոյանը։

«Ես չեմ կարող ասել հիմա ծառայությունը կրճատվում է, ես ինչպես հասկացա ձևափոխվում է։ Իմ պաշտոնավարման ժամանակ և երբ ես եղել եմ ՊՆ առաջին տեղակալ, ամեն ինչ արել եմ, որ գնդերեցների ծառայությունը Պաշտպանության նախարարությունում լինի ավելի բարվոք։ Գնդերեցների ծառայությունը Զինված ուժերում նաև պատերազմի ու ճգնաժամային փուլում եմ շատ բարձր գնահատել։ Հոգևոր ծառայության խոչընդոտումը կամ սահմանափակումը Զինված ուժերում որևէ լավ բանի չի կարող բերել»,- ասաց նա։