Մոնումենտի (Երևան քաղաք) հարակից տարածքի հողամասերի հարցով մենք նախատեսում ենք քրեական հետապնդում սկսել։ Այս մասին փետրվարի 24-ին խորհրդարանի պետական-իրավական հարցերի մշտական հանձնաժողովի նիստում, Հայաստանի հակակոռուպցիոն կոմիտեի 2025 թվականի գործունեության հաշվետվությունը ներկայացնելու ժամանակ, հայտարարել է գերատեսչության ղեկավար Արթուր Նահապետյանը։

Ըստ նրա՝ խոսքը վերաբերում է 20 առանձին հողամասերի։ Դրանցով բավականին երկար ժամանակ քննություն է ընթացել։ Քննության ձգձգման պատճառ են հանդիսացել նշանակված փորձաքննությունները։ «Այս տարի մենք ստացել ենք փորձաքննությունների եզրակացությունների մեծ մասը»։

Այն հողամասերի վերաբերյալ, որոնք քաղաքացիների կողմից օտարվել են ապօրինի կերպով, մենք նախատեսում ենք տալ իրավական գնահատական և անցնել քրեական հետապնդման։ Այդ գործողությունները, մասնավորապես, կվերաբերեն օտարումն իրականացրած պաշտոնատար անձանց», - հավելել է Նահապետյանը: