ՀՀ արտաքին գործերի նախարար Արարատ Միրզոյանը կարծում է, թե Նիկոլ Փաշինյանը պայմանական է ասել, որ սեպտեմբերին պատերազմ կլինի, եթե ՔՊ-ն չլինի իշխանության։

«Նկատի ունի ընտրություններից կարճ ժամանակ անց, իսկ որ այդպիսի հեռանկար կարող է լինել՝ միանշանակ է»,- լրագրողների հետ զրույցում ասաց Միրզոյանը։

«Ակնհայտ է, որ այս մտայնությամբ մարդիկ, եթե գան իշխանության, անմիջապես խնդիր է առաջանալու հարևանների հետ, շատ մեծ հավանականությամբ Հայաստանն անմիջապես կկանգնի նոր պատերազմի առաջ»,- ասաց Միրզոյանը։

Լրագրողի դիտարկմանը, որ իրենց իշխանությունը չորս պատերազմ է բերել «այս երկրի գլխին»՝ նա արձագանքեց, թե իրենք պատերազմ չեն բերել, պատերազմը հետևանք է եղել։