Համաներում Հայաստանում չի նախատեսվում։ Այս մասին այսօր՝ մարտի 23–ին, ԱԺ–ում լրագրողների հետ ճեպազրույցում նշեց ՀՀ արդարադատության նախարար Սրբուհի Գալյանը։
«Մենք այն կարծիքն ունենք, որ պետք է պատժից ավելի վաղ ազատվեն այն անձինք, որոնք ավելի պատրաստ են վերադառնալ հասարակություն և չպետք է դա անել անհասցե։ Անհասցե է ավելի շատ համաներումը։ Իհարկե, հանցագործությունների շրջանակ որոշվում է, բայց անհատականացված չէ, կոնկրետ անձանց չենք գնահատում այդ դեպքում, իսկ պայմանական վաղակետ ազատման ինստիտուտի պարագայում անհատականացված մոտեցում է ցուցաբերվում։
2025-ին պատժից պայմանական վաղակետ ազատվել է 170 անձ, նախորդ տարվա 134-ի կամ 135-ի փոխարեն։ Այսինքն մենք տեսնում ենք քանակական աճ և նաև ունենք հանձնառություն ակտիվացնել այս ինստիտուտը և լավարկել, որպեսզի առաջիկայում ավելի մեծ քանակությամբ անձինք ազատվեն կամ կարողանան հավակնել ազատվել պատժից»,– ընդգծեց նա։
-thumbnail.jpg)
-thumbnail.jpg)
-thumbnail.jpg)
