Ռոբերտ Քոչարյանը կարող է խոսել այն 200 միլիոն դոլարի մասին, որն, ըստ դատախազության մեղադրանքի, «կերել» է, խորհրդարանում լրագրողների հետ ճեպազրույցում նման տեսակետ հայտնեց Աժ «Քաղաքացիական պայմանագիր» խմբակցության պատգամավոր Վահագն Ալեքսանյանը՝ խոսելով Ռոբերտ Քոչարյանի հայտարարության մասին:

«Ռոբերտ Քոչարյանը կարող է մեր կերած պեռաշկու մասին խոսա, կարող է իր կերած 200 միլիոն դոլարի մասին խոսա և դրանով լրջացնի քաղաքական խոսակցությունը: Ռոբերտ Քոչարյանը հանրայնացնում էր այն, որ ինքը միլիոններ է ծախսել՝ գնացել է Տանզանիա, վայրի բնության մեջ առյուծ է սպանել և նստել սատկած առյուծի վրա»,- նկատեց իշխանական պատգամավորը: