Կովկասյան կենսաբազմազանության ապաստարանի (CWR) անտառապահը, իր ամենօրյա վերահսկողական շրջայցի ընթացքում, Եղեգիս-Հերմոն ավտոճանապարհին հարակից ձորակում հայտնաբերել է թակարդի մեջ ընկած Բեզոարյան այծ (Capra aegagrus)։
Կենդանին երիտասարդ էգ է եղել։ Ցավոք, թակարդում հայտնվելու և ստացած վնասվածքների հետևանքով կենդանին անկել է։ Թեպետ դեպքի վայրը CWR պահպանվող տարածքից դուրս է, մեր անտառապահներն անմիջապես արձագանքել են և ահազանգել ԲԸՏՄ-ի Վայոց ձորի մարզային բաժին, ինչպես նաև Էկոպարեկային ծառայություն :
Հիշեցնում ենք, որ Բեզոարյան այծը գրանցված է ՀՀ Կարմիր գրքում։ Այս տեսակի նկատմամբ ցանկացած ապօրինի գործողություն, այդ թվում՝ թակարդների տեղադրումը, առաջացնում է քրեական և վարչական լուրջ պատասխանատվություն։
FPWC-ն շարունակում է պայքարել որսագողության և ապօրինի թակարդների դեմ։ Նման դեպքերը ևս մեկ անգամ փաստում են, թե որքան կարևոր է շուրջօրյա վերահսկողությունը և հանրության իրազեկվածությունը՝ մեր բնության եզակի տեսակները պահպանելու համար։
Այս լուսանկարները հրապարակվում են որսագողության և ապօրինի թակարդների իրական վտանգի մասին իրազեկելու և նման դեպքերը կանխարգելելու նպատակով:
-thumbnail.jpg)
-thumbnail.jpg)
-thumbnail.jpg)
