Չես կարող ընտրություններից առաջ խաղի կանոն փոխել. ԱԺ–ի մոտ «Ուժեղ Հայաստան» կուսակցության հրատապ ասուլիսն է։

ԱԺ–ում հապճեպ Ընտրական օրենսգրքի սահմանադրական օրենքում փոփոխություններ կատարելը վտանգում է ՀՀ իրավական արժեքները, ասաց «Ուժեղ Հայաստան» կուսակցության անդամ Գոհար Մելոյանը:

 «Վենետիկի հանձնաժողովի վարքագծի կանոնակարգով սկզբունքներից կենտրոնականը հավասարության սկզբունքն է, այսինքն՝ Ընտրական օրենսգրքում պետք է երաշխավորվի ընտրությանը մասնակցող բոլոր քաղաքական ուժերի հավասարությունը: Սակայն նրանք նախագիծ են բերում մեկ օր առաջ՝ փորձելով արգելել Սամվել Կարապետյանի անվան կիրառումը: Դաշինքը ոչ միայն ստորագրված է հուշագրով, այլև մինչև նախագծի հրապարակումն արդեն ԿԸՀ մուտք էր արել դիմում, որով պետք է էլեկտրոնային հաշիվ բացվի ու կարողանանք օգտահաշիվ ստանալ: Այսինքն՝ նաև արդեն իրավական ընթացակարգեր են մեկնարկել ԿԸՀ-ի հետ»,- ասաց Մելոյանը:

Նա միջազգային կառույցների ուշադրությունը հրավիրեց այս գործընթացի վրա՝ այն որակելով հակաժողովրդավարական: