ՀՀ–ում դաշինքների անվանումների սահմանափակման մասին նախագիծն ընդունվեց 1–ին ընթերցմամբ:

Խորհրդարանական ընտրություններից երկու ամիս առաջ ՔՊ–ն որոշել է, իրենց բնորոշմամբ, տեխնիկական վրիպակն ուղղել օրենսգրքում, ըստ որի` կուսակցությունների, դաշինքների անվանումները չպետք է անձնավորվեն։ Չեն թաքցնում, որ այս վրիպակի մասին իմացել են մի քանի օր առաջ ու որոշել են հրատապության կարգով քննարկել ու ընդունել այն։

Խորհրդարանական ընդդիմությունը սա համարում է անընդունելի մոտեցում, հատկապես երբ կա Վենետիկի հանձնաժողովի կողմից Հայաստանին տրված է խորհրդատվություն, ըստ որի` ընտրություններից առնվազն մեկ տարի առաջ խաղի կանոններ չպետք է փոխվեն։