Այսօր Արցախի ադրբեջանական հանցավոր շրջափակման 200-րդ օրն է: Այս մասին իր ֆեյսբուքյան էջում գրել է Արցախի նախկին պետնախարար, Արցախի ՄԻ նախկին պաշտպան  Արտակ Բեգլարյանը։

«Անցած զարգացումներին ու մեր անելիքներին երկար-բարակ անդրադառնալու փոխարեն ուղղակի կասեմ, որ, վստահ եմ, շրջափակման հեղինակներն ու կատարողներն էլ են զարմացել, թե որքան դիմացկուն ու վճռական (բառբառով կասեի՝ կռո) է Արցախի հայությունը:

Այս պատմական ժամանակաշրջանում մեր գլխավոր ակնկալիքն այն է, որ միայնակ չլինենք և ողջ հայ ժողովուրդն ու հայոց պետականությունը սատար լինեն մեր արդար պայքարին:

Առանց Արցախ չկա Հայաստան, առանց Մայր Հայաստան չկա Արցախ ու Սփյուռք»,- գրել է Բեգլարյանը: