Վարչապետ Նիկոլ Փաշինյանից լրագրողները հետաքրքրվեցին, թե ինչո՞ւ միջազգային ատյաններում պետությունը չի բարձրացնում Ադրբեջանի կողմից հայկական եկեղեցիների վերացման փաստի մասին։

«Արծվաշենը ՀՀ ինքնիշխան տարածք է, և ուզում եմ մոդելավորենք այսպիսի իրավիճակ, ասենք՝ այն պահը, երբ սահմանազատման արդյունքում Արծվաշենը վերադառնում է Հայաստանի Հանրապետության վերահսկողության ներքո։ Եվ մենք գնում, տեսնում ենք, որ այնտեղ մզկիթ է կառուցվել, ասենք՝ 2016 թվականին։ Մեր ռեակցիան ո՞րն է, ի՞նչ պետք է անենք։ Եվ, օրինակ, ՀՀ քաղաքացիներ կան, ովքեր էդ մզկիթի տարածքի հետ կապված բերում են իրենց սեփականության վկայականները և ասում, թե այս հողը մերն է»,-արձագանքեց Փաշինյանը։

Նա նշեց, թե մի բանի մասին խոսելիս պետք է ամբողջական խոսել։

«Մեր ռեակցիան պետք է հիմնվի այն պայմանավորվածությունների վրա, որոնք թղթի վրա արձանագրված և հրապարակված են»,-ասաց Փաշինյանը՝ ապա հավելեց. «Ձեզ ինչի՞ ա թվում, թե միայն Հայաստանում լրագրողներ կան, ընդ որում՝ հայրենասեր, որոնք այդ հարցերը բարձրացնում են։ Ադրբեջանում էլ լրագրողներ կան և այդ հարցերը դնում են»։