Ռուսաստանը հացահատիկի պայմանագիրը երկարաձգելու պատճառ չի տեսնում: Այս մասին հունիսի 30-ին կայացած ճեպազրույցում ասել է ՌԴ արտգործնախարար Սերգեյ Լավրովը։
Նա ասել է, որ եթե հացահատիկի համաձայնագիրը խզվի, ապա Մոսկվան իր հաշվին ամենաաղքատ երկրներին կմատակարարի անհրաժեշտ ծավալը։
Լավրովն ասել է, որ չնայած Արևմուտքի բոլոր խոչընդոտներին, ռուսական պարարտանյութերի և սննդամթերքի արտահանումը շարունակվում է։
Հիշեցնենք, որ Ռուսաստանի, Թուրքիայի, Ուկրաինայի և ՄԱԿ-ի ներկայացուցիչների կողմից 2022 թվականի հուլիսի 22-ին ստորագրված «Հացահատիկային համաձայնագիրը» նախատեսում է ուկրաինական հացահատիկի, սննդամթերքի և պարարտանյութերի արտահանում Սև ծովով երեք նավահանգիստներից, այդ թվում՝ Օդեսայից։
Նշենք, որ նախկինում երկու անգամ 60 օրով երկարաձգված պայմանագրի ժամկետը կլրանա հուլիսի 17-ին։