Իլոն Մասկը Twitter-ի իր էջում գրել է, որ իր մենամարտը Մարկ Ցուկերբերգի հետ կարող է կայանալ Կոլիզեյում։  Նա նաև տեղադրել է մի տեսանյութի հղում, որը պարունակում է մի հատված Մոնթի Փայթոնի «Բրայանի կյանքը» կատակերգական ֆիլմից՝ «Ես պետք է աշխատեմ իմ տոկունության վրա» մակագրությամբ։  Հունիսի 27-ին Մասկը համաձայնեց մարզվել և պատրաստվել մենամարտի հայտնի կանադացի խառը մենամարտերի վարպետ Ժորժ Սենտ-Պիերի հետ, որը UFC-ի եռակի չեմպիոն է:

Ավելի վաղ «TMZ Sports»–ը հայտնել էր, որ  Հնարավոր է` ամերիկացի գործարար, «Tesla» և «SpaceX» ընկերությունների ղեկավար Իլոն Մասկը և «Meta»  ընկերության ղեկավար Մարկ Ցուկերբերգը մենամարտ անցկացնեն հռոմեական Կոլիզեյում։