Ֆրանսիայում անկարգությունների պատճառ են դարձել համակարգչային խաղերը: Այս մասին մամուլի ասուլիսի ժամանակ հայտարարել է Ֆրանսիայի նախագահ Էմանուել Մակրոնը:

«Խռովարարները «թունավորում են տեսախաղերով», սոցիալական ցանցերի և «Տիկտոկ»-ի միջոցով տարածվում է «ատելության հռետորաբանություն» և ապատեղեկատվություն»,- ասել է Մակրոնը և առաջարկել ստեղծված ճգնաժամը հաղթահարելու համար խստացնել համացանցի գրաքննությունը։

Նշենք, որ Ֆրանսիայում արդեն երեք օր է ցույցերը չեն դադարում, որոնք հաջորդել են 17-ամյա դեռահասի սպանությանը, ով հրաժարվել ենթարկվել ոստիկաններին և մեքենայով հեռացել էր։ Ոստիկանը կրակել էր նրա ուղղությամբ, ինչի հետևանքով պատանին մահացել է։ Ցույցները խաղաղ չեն անցնում․

Մի շարք քաղաքներում տեղակայված են ոստիկանության հատուկ նշանակության ջոկատներ, ներգրավված են զրահատեխնիկա, ուղղաթիռներ։