Հայաստանում Ռուսաստանի դեսպան Սերգեյ Կոպիրկինը Մոսկվայում անցկացրած խորհրդակցություններից հետո վերադարձել է Երևան և վերսկսել իր պարտականությունների կատարումը։ Այս մասին ТАСС-ին հայտնել են ՌԴ արտաքին գործերի նախարարությունից։

Գերատեսչության տվյալներով՝ Կոպիրկինը նաև ընդունելություն է կազմակերպում Ռուսաստանի օրվա առթիվ։

Հիշեցնենք, որ մայիսի վերջին Կոպիրկինը մեկնել էր Մոսկվա՝ խորհրդակցությունների, որոնք կապված էին Եվրոպական միության հետ մերձեցման ուղղությամբ Հայաստանի ղեկավարության քայլերի հետ։