Այսօր՝ հունիսի 12-ին ժամը 02:30-ի սահմաններում ահազանգ է ստացվել, որ Դավթաշեն 4-րդ թաղամասի շենքերից մեկի բակում ավտոմեքենա է այրվում։

Shmshyan.com- ի տեղեկություններով թիվ 13 շենքի բակում կայանված «Mercedes G» մակնիշի («Յաշիկ») ռուսական համարանիշներով ավտոմեքենայում առաջացած կրակի դեմ պայքարել են քաղաքացիները, ապա ժամանած հրշեջները մարել են այն, սակայն, ավտոմեքենան դարձել է ոչ շահագործելի։

Դեպքի վայրում հավաքված մի քանի քաղաքացիներ նշում էին, որ հնարավոր է ավտոմեքենան միտումնավոր են հրկիզել կամ ինքնաբերաբար է բռնկվել։ Իսկ դեպքի վայրում մի կին նեղսրտում էր, ասելով՝ նկարելու փոխարեն գտեք վառողին։