Երրորդ երկրներից դեպի Հայաստան ցեմենտի ներմուծումը ժամանակավոր` 6 ամիս ժամկետով, կսահմանափակվի։ Համապատասխան որոշումն ընդունվեց ՀՀ կառավարության այսօրվա նիստի ժամանակ։

Որոշումն ուժի մեջ է մտնելու 2026 թ. հուլիսի 23-ից և կգործի մինչև 2027 թ. հունվարի 23-ը։

Կառավարությունից նշում են, որ այս որոշման նպատակն է կանոնակարգել տեղական ցեմենտի շուկան և ներմուծվող ցեմենտի համար ստեղծել հավասար պայմաններ:

«Իրականացված քայլերի արդյունքում որոշակի մեղմվել են տեղական շուկայում արտադրվող ցեմենտի մրցակցային պայմանները»,– ասված է որոշման հիմնավորման մեջ։