Բազմակողմանիությունը երբեք ավելի կարևոր չի եղել, քան հիմա: Այս մասին ասված է ՄԱԿ-ի գլխավոր քարտուղար Անտոնիո Գուտերեշի նամակում, որը Բաքվում կայացած Չմիավորման շարժման համակարգող բյուրոյի նախարարական հանդիպման ժամանակ ընթերցել է նրա տեղակալ Տատյանա Վալավայան:

ՄԱԿ-ի գլխավոր քարտուղարն իր ուղերձում ասել է, որ պատերազմները, տնտեսական ճգնաժամերը, կլիմայի փոփոխությունը, պատերազմները սպառնում են համաշխարհային հանրությանը.

«Բազմակողմանիությունը երբեք ավելի կարևոր չի եղել, քան հիմա։ ՄԱԿ-ը արդյունավետ միջազգային հարթակ է, որը նպաստում է մարդու իրավունքներին, բազմակողմանիությանը և կայուն զարգացմանը»:

Իր ուղերձում գլխավոր քարտուղարն ընդգծել է, որ 2022 թվականին աշխարհում պատերազմների և զինված հակամարտությունների զոհերի թիվն ավելի է աճել նախորդ տարիների համեմատ, աճել են ռազմական ծախսերը, Ուկրաինայում պատերազմը և պարենային ճգնաժամը  աշխարհի շատ երկրների դրել են դժվարին իրավիճակում:

«Այժմ աշխարհում կա ավելի քան 100 միլիոն փախստական ​​և ներքին տեղահանված անձ, նրանք կորցրել են իրենց տները։ Մենք աջակցում ենք խաղաղ լուծումներին՝ համաձայն ՄԱԿ-ի կանոնադրության։ Ագրեսիայից զերծ մնալն ու իրավահավասարության, խաղաղ գոյակցության, ինքնիշխանության նկատմամբ հարգանքը ավելի կարևոր է, քան երբևէ: Այս ճգնաժամերից ավելի շատ տուժում է խաղաղ բնակչությունը»,- ասել է Գուտերեշը իր ուղերձում։