Ինչո՞ւ վարչապետ Նիկոլ Փաշինյանին ուղեկցող ավտոմեքենաները չեն կանգնում կարմիր լույսի տակ, չէ՞ որ վարչապետ ընտրվելիս հայտարարել էր, թե «մեզնից մեկն է և կանգնելու է կարմիր լույսի տակ»։ Այս մասին լրագրողներն այսօր հետաքրքրվեցին վարչապետից՝ հարցնելով. «Հիմա մեզնից մեկը չե՞ք, չուժո՛յ եք»։

«Առաջ կանգնում էինք կարմիր լույսի տակ, հիմա չենք կանգնում, այդպիսին են անվտանգության ապահովման կարիքները»,-պատասխանեց Նիկոլ Փաշինյանը, ապա հավելեց. «Բայց եթե ձեզ հետաքրքրում է, ՀՀ ոչ մի ղեկավար այդքան փողոցներով չի քայլել և չի քայլում և այդքան բնակավայրերում չի լինում։ Այո՛, Հայաստանում խցանումների պրոբլեմ կա, չեմ կարծում, որ ՀՀ վարչապետը պետք է բոլոր հնարավոր հանդիպումներից ուշանա այն պատճառով, որ խցանումների մեջ ընկնի»։