Առողջապահության նախարար Անահիտ Ավանեսյանը պնդում է՝ «Ուժեղ Հայաստան» կուսակցության անդամ Էդգար Ղազարյանի քրոջն աշխատանքից ազատելը կապ չունի քաղաքականության հետ։

««Դեղերի փորձագիտական կենտրոն»-ը ՓԲԸ-ից վերածվել է ՊՈԱԿ-ի, փոխվել է ամբողջ հաստիքացուցակը, սրա հիման վրա աշխատանքից ազատվել են մի շարք աշխատակիցներ, տիկին Ղազարյանն այլ կարծիք ունի իր աշխատանքային իրավունքների մասին, մենք ապրում ենք իրավական պետությունում, կարող է գնալ դատարան, մենք կներկայացնենք մեր տեսակետը»,- լրագրողների հետ հանդիպմանն ասաց Ավանեսյանը։

Նա նշեց, թե եթե քաղաքական հայացքների համար որոշումներ կայացներ՝ այս որոշումը հինգ տարի չէր հետաձգի, կիրականացներ ավելի վաղ։

«Կխնդրեմ անիմաստ մանիպուլյացիաներ չանել»,- հավելեց Ավանեսյանը։