Վերջին երեք օրերին եղանակը մեր երկրում բավականին կայունացել է, որովհետեւ մենք գտնվում են հարավ-արևմտյան տաք օդային հոսանքների ազդեցության գոտում։ Տաք օդային հոսանքների  ներթափանցումը կշարունակվի մինչև հուլիսի 3-ի կեսօր։ Այս մասին Facebook–ի իր էջում հայտնել է «Հիդրոօդերևութաբանության և մոնիթորինգի կենտրոն» ՊՈԱԿ-ի տնօրենի տեղակալ Գագիկ Սուրենյանը։

«Դրա արդյունքում կպահպանվի առանց տեղումների եղանակը, իսկ օդի ջերմաստիճանը կշարունակի բարձրանալ ևս  4-5 աստիճանով։ Ամենաշոգ օրը կլինի հուլիսի 3-ը, երբ  ցերեկային ժամերին հանրապետության ամենատաք գոտիներում՝  Սյունիքի հովիտներ, Արարատյան դաշտ, Երևան, օդի ջերմաստիճանը կհասնի +34-+36 աստիճանի։

Հուլիսի 3-ի երեկոյան ժամերից Սև ծովի շրջաններից Հայաստան կներթափանցի  հերթական տեղումնաբեր ցիկոլը,  որը Հայաստանում կգործի մինչև հուլիսի 8-ը ներառյալ։ 

Դրա արդյունքում հուլիսի 3-ին երեկոյան ժամերին առանձին շրջաններում, հուլիսի 4-8 գիշերը և  հետկեսօրյա ժամերին շրջանների զգալի մասում սպասվում են ամպրոպային բնույթի կարճատև անձրևներ, առանձին հատվածներում անձրևները  կլինեն հորդառատ, կտեղա կարկուտ։ Ամպրոպների ժամանակ սպասվում է  քամու ուժգնացում՝ 18-23 մ/վ արագությամբ 

Այս ցիկոլը հյուսիս-արևմուտքից իր հետ բերում է  ցուրտ օդային հոսանքներ, ինչի արդյունքում հուլիսի 4-5-ը օդի ջերմաստիճանը կնվազի 4-6 աստիճանով»,- հայտնել է Գագիկ Սուրենյանը։