Ռուսաստանի նախագահ Վլադիմիր Պուտինը և ԱՄՆ նախագահ Դոնալդ Թրամփը հերթական հեռախոսազրույցն են ունեցել, հայտնել է ՌԴ նախագահի օգնական Յուրի Ուշակովը, տեղեկացնում է «Интерфакс»-ը։

Գլխավորը Պուտինի և Թրամփի նոր հեռախոսազրույցից.

Ուկրաինայի հակամարտության վերաբերյալ.

Պուտինը Թրամփին ներկայացրել է մարտի դաշտում տիրող իրավիճակի իր գնահատականը՝ նշելով, որ ռուսական ուժերը հարձակողական գործողություններ են իրականացնում շփման գծի ամբողջ երկայնքով։

 Պուտինն ու Թրամփը քննարկել են ուկրաինական թեման, այդ թվում՝ ԱՄՆ նախագահի՝ ՆԱՏՕ-ի գագաթնաժողովին մասնակցելու ծրագրերի համատեքստում։

Պուտինն ընդգծել է, որ նախընտրելի է Ուկրաինայի հարցի քաղաքական-դիվանագիտական կարգավորումը՝ հաշվի առնելով Ռուսաստանի սկզբունքային մոտեցումները։

Սթիվ Ուիթքոֆը և Ջարեդ Քուշները կշարունակեն միջնորդական ջանքերը Ուկրաինայի կարգավորման ուղղությամբ։

Թրամփը հեռախոսազրույցում նշել է, որ Ուկրաինայի հակամարտության ավարտից հետո Ռուսաստանի և ԱՄՆ-ի միջև համագործակցության մեծ հնարավորություններ կբացվեն։

Այլ հիմնական կետեր.

Հեռախոսազրույցը տեղի է ունեցել ամերիկյան կողմի նախաձեռնությամբ։

Պուտինն ու Թրամփն ընդգծել են Ռուսաստանի և ԱՄՆ-ի ընդհանուր պատմական էջերի նկատմամբ հարգալից վերաբերմունքի կարևորությունը։

Պուտինը հիշեցրել է Ռուսաստանի ներդրման մասին ամերիկյան պետականության ձևավորման գործում։

Երկու առաջնորդներն առանձնահատուկ ընդգծել են Մոսկվայի և Վաշինգտոնի դաշնակցային հարաբերությունները Երկրորդ համաշխարհային պատերազմի տարիներին։

 Պուտինը հույս է հայտնել, որ ԱՄՆ–Իրան բանակցությունները կհանգեցնեն փոխընդունելի և երկարաժամկետ լուծումների։

Պուտինն ու Թրամփը պայմանավորվել են մոտ ժամանակում կրկին հեռախոսազրույց ունենալ։